政壇：搞搞政：林公公求其做hea到收工
喺舊年九月底升呢做政務司司長嘅「林公公」林瑞麟，民望一直喺低位徘徊，連政界都睇佢下屆政府冇得留低。其實呢個講法都唔係冇道理，因為政府尋日公布嘅西九管理局諮詢會成員名單，二十一名現任成員竟然全部冧莊，意思即係話作為西九董事局主席嘅林公公，連委任大權都放軟晒手腳，話佢唔係hea做等收工都冇人信喇！
獲再度委任嘅二十一名諮詢會成員，任期由尋日至二○一三年二月二十八日，但有關成員名字全部都熟口熟面，例如再次由學者張仁良擔任諮詢會主席，其他成員包括西九管理局成員夏佳理、盛智文等，至於李永達同謝偉俊兩名立法會議員亦繼續榜上有名。新一屆政府將於七月上場，究竟依家班官員邊個可以留任，好快就有答案。
設計圖片及對白