尋日煲呔曾出席答問大會接受議員公審，社民連立法會議員「長毛」梁國雄就帶咗塊同人咁大嘅「貪」字示威牌入場，會後托高抬走嘅時候，就唔覺意扑中勞聯李鳳英個頭，幸好唔係乜嘢硬物，英姐摸摸個頭就冇事，虛驚一場。
講起示威牌，仲有段小插曲。話說工聯會KK黃國健一開始就向主席投訴，話佢哋以往試過喺座位附近擺放示威物品，結果被秘書處警告要收起，但尋日咁多人擺放示威道具，秘書處就唔理。由於時間緊迫，主席只係虛應投訴就算，KK為表達不滿，最後仲憤而離場添！
梁國雄（右）抬起塊巨型示威牌離開時，唔覺意扑中李鳳英個頭。
