SUN微博：打橫嚟講：都係市民的錯

曾蔭權面對香港市民追究他私結三山五嶽貪腐瀆職之罪，到電台狡辯，話「現在時代變了，大家（即市民）的期望已轉變，特別對特首的期望已經提高了！」云云，咁又係我們市民唔啱！唔應該下下(目及)住有特權的特首做傷風敗德的醜事？

去年尾內地烏坎村官商勾結，強佔人民田地引發衝突，廣受傳媒關注，令平時橫行無忌的貪官放肆不得。汕尾市委書記鄭雁雄公然慨嘆做官非常辛苦，權力愈來愈小，而百姓則愈來愈聰明和難管。曾特首口脗如出一轍，大可在港撤任後返汕尾做領導，每日細嘗豬骨粥同聽老歌星唱歌！唔怕再被記者斷正。

家吓乜嘢年代呀？仲想靠政治化妝術，講幾句歪理，就可瞞天過海？死都拗翻生？圖文並茂，證據確鑿，你曾蔭權以權謀私，不好好自省認罪，還怪市民多事？並又推卸責任給太太，咁都仲未最賤，最離譜的，係在此風頭火勢間突然宣布，成立一個「防止及處理潛在利益衝突獨立檢討委員會」，誤導全港以為去查香港第一大貪官曾蔭權，睇清楚，原來係為(目及)住「將來的特首」而設的，這轉移視線的「害埋」其他人，真契弟行為。

明日，曾蔭權被迫上立法會解畫，看來又是緩兵之計，怕萬人上街，同怕再被揭更多衰嘢而已！正義的議員們，請代香港市民好好招呼佢啦！

彭志銘

次文化考古學家，對城中潮語有深入研究，博徵博引，廢官廢人行埋一邊。