SUN世代：現代灰姑娘喜挑戰

眼前的林焯瑩斯文大方，有點像藝人周麗淇，更是一位現代版的灰姑娘。「由細到大，我都要十二點之前返到屋企。」自小家教嚴格，但她坦言父母從來都「只嚴不逼」。「記得細個，佢哋想我學好多嘢，其中一樣係學彈琴，但我話唔鍾意，佢哋都唔會逼我。」因她深明父母緊張，源自一片關心，所以總是照單全收，盡力堅守「十二點鐘」守則。記者笑問，違規會有甚麼後果？「媽咪會唔瞓覺，一直等到我返屋企。」

外表文靜 個性好動

現時，除了負責設計，林焯瑩還兼顧市場推廣工作，因此她閒時愛閱讀有關管理學的書籍，藉此自我增值。「我一直讀設計，但為咗打理好間公司，一定要學識點樣管理。」專注工作外，原來她也是個熱愛運動的女孩。「以前喺外國讀書嘅時候，最鍾意玩snowboard。但香港無雪落，依家惟有去室內場玩。」現在，每星期有兩天，收工後她都會相約好友去玩snowboard。「我鍾意挑戰，而玩snowboard好刺激，啱晒我﹗」