政商定格：羅寶文幻想做英雄擋彈

傑出青年協會尋日舉行頒獎禮，○七年獲選為傑青嘅羅寶文向幾百位學生分享心得，佢話自己從小就有捨己為人嘅使命，成日都幻想自己要做英雄，幫其他人擋槍捱子彈，不過，佢都呻做領袖要有犧牲，佢嘅犧牲就係唔係好識依賴別人。仲係單身嘅羅寶文話，由於成日都要撐起大場面，佢自覺冇咗女性柔情「扮唔識」嘅一面。

而領袖嘅條件佢就認為，有好嘅EQ，即情緒智商，而面對逆境(AQ)、道德(MQ)、人際關係(SQ)嘅能耐都唔可以少，最後重要有IQ，但呢個唔單止係智商嘅IQ，而係要有內省嘅能力。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

羅寶文話，自己幼時已幻想做英雄，幫人擋槍捱子彈。