政商定格：嫁細女蔡李惠莉想那些年
「玩具大王」蔡志明細女蔡加怡（Crystal）與光頭佬男友Jeremy決定結束愛情長跑，準備下半年結婚，兩人相識五年，拍拖一年半，覺得係時候結婚喇。前日喜運佳集團舉行春茗，蔡家上下齊出動，Jeremy梗係要做護花使者，未來外母、蔡太李惠莉都話，拍拖太耐未必係好事，支持囡囡早日拉埋天窗。
細女都要出閣，蔡太心情超靚，仲打開手機嘅相簿出示當年佢同老公嘅拍拖相，泛黃嘅照片中，有張着住條紅噹噹喇叭褲嘅蔡志明同蔡太行沙灘嘅浪漫相，蔡生牙擦擦話，想當年二十四吋腰、四十一吋胸，梗有型喇！佢哋郎才女貌，令人眼前一亮。
蔡太年輕時成個美人胚子，與浪漫不羈嘅蔡志明好登對。（蔡太提供）
蔡志明（右三）家人齊現身。左起：Jeremy及女友加怡、蔡太李惠莉，右起為汪圓圓及男友加讚。