SUN微博：打橫嚟講：曾蔭權，唔係男人

曾蔭權，你都唔係男人嚟o架！一有事，就學似唐唐咁，推個老婆出來受靶，自己躲在女人後面偷笑遮醜，映衰晒啲男人！

曾蔭權涉嫌收受延後利益，退位特首之職後，貪平在深圳「租住」近萬呎空中豪宅，被傳媒戳破，死撐幾日後突然轉調扮死狗，直認有此事，但卻嫁禍給老婆，話兩人之所以要佔用超豪華大屋，全因老婆的物件太過多之故，即係話，無番咁上下大面積的地方，容不下太太的心頭好云云。

真廢話連篇，連度個出色藉口卸膊的能力也沒有，查實，係謊言的話蓋不住他的貪性，才站不住腳來！

身為香港特首，離任後撤出禮賓府，為何要搬上大陸？而不幫襯香港地產？你都知貴哩？佢又話租大陸樓只是短期合約，咁滿約後，又再將老婆的「大量」心愛物再搬一次？玩呀？

曾蔭權更解釋，退任後遠走他鄉，是好讓下屆特首安心做事，吓！你睇得自己咁重要？仲咁有影響力？或有你存在，人哋施政便出問題？哈哈！以你的邏輯，所有換屆的美國總統和中國領導人，咪全部都要搬去哥斯達黎加終老？屁話亂放！貪你就貪啦！

在此呼籲，廉政公署早日立案，徹查曾蔭權的貪腐贖職罪，替香港廉潔爭回面子，不許敗在一個唔係男人的小人手上。

政治人物惹桃色醜聞

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

彭志銘

次文化考古學家，對城中潮語有深入研究，博徵博引，廢官廢人行埋一邊。