日前喺一個活動上遇到珠寶設計師、嘉頓新抱張王幼倫，佢以中式旗袍配legging，仲戴住一對閃令令耳環、手錶同戒指，令人眼前一亮，原來所有首飾都係佢自家設計。
張太話啱啱喺早前假期同囝囝去咗日本東京，仲大啖食刺身魚生，又話佢同囝囝四圍去搵食，遇到有啲高質素嘅餐廳，都一樣好難訂位，證明當地經濟都唔係想像中咁差喎！
講到女性至愛嘅購物活動，佢就話冇乜點買嘢，因為日圓高企唔抵買，而且日本服裝size偏細，唔啱身材高挑嘅佢，所以都係食多兩片魚生好過喇。
張王幼倫穿戴自家設計首飾，令人眼前一亮。
