政壇：林建康太座帶兩子豪遊
愛沙尼亞共和國駐港名譽領事Matthew林建康同太太黃寧艷都係城中食家，早前舉家遊獅城，餐餐食鮑魚、生蠔同生猛海鮮，林太更帶隊橫掃星級餐廳。林太娘家喺新加坡，所以佢熟晒地頭，最愛位於濱海灣金沙酒店嘅「Sky on 57」，餐廳由「新加坡御廚」郭文秀（Justin Quek）主理。林太柯打咗招牌福建麵、大蝦Laksa、海南雞飯同黑胡椒龍蝦，兩位公子食到舔舔脷，食完仲捉埋Justin影相留念添。
玩完呢轉，林家復活節又出門嘞，地點係澳洲悉尼及黃金海岸；暑假再坐郵輪玩盡地中海。林太話，希望大仔孝勇及細仔孝政多行萬里路，放眼世界，認真係廿四孝媽咪。
林建康（右二）同太太（右一）及兩位公子品嘗新加坡Fusion菜。（黃寧艷提供）