政壇：肥根開fb 出海報搵朋友
立法會漁農界議員、大埔區議員「肥根」黃容根經常有笑料，曾經試過因為其區議會寶雅選區對開行人路安裝咗設計特別嘅欄杆，佢於是出海報提醒男士，如果跨越欄杆過馬路時就要「小心下體」。咁都不特止，日前佢又獻新猷，出咗張以「根叔有FACEBOOK啦！」為題嘅海報，通知大家佢設立咗社交網站facebook（fb），海報中嘅佢仲顯得好雀躍添。
肥根喺海報仲呼籲市民，如果有啲乜嘢想同佢講、對社區有啲乜嘢期望、又或者有邊啲地方需要維修，都可以add佢做朋友，寫低大家所想嘅嘢喎。雖然開咗fb而出張海報有啲誇張，或者大家見到會笑咗出嚟，但呢個方法收到有效嘅宣傳效果咪得囉！之不過，好多議員都開晒fb喇，肥根呢個都算係遲來嘅fb咯！
設計圖片及對白