City Parade：青聯精英春茗飲勝
慶新春，唔怕遲。匯聚城中富二代及精英嘅全國青聯，周一晚喺中環大會堂舉行新春聯歡，筵開逾四十圍，幾百位全青委員及各省市青聯委員，平時拚搏事業，各有各忙，趁新年聚首一堂，當然要乾杯飲勝！
瘦身秘笈：霍啟剛（右）瘦身後靚仔晒，菁英會主席洪為民（左）當然要請教Keep Fit心得。
滿場招呼：全國青聯搞新春聯歡，副主席陳仲尼（左一）及鄭志剛（左二）滿場飛，招呼賓客。
舉杯同賀：漫畫家張樂平的紀念館近日喺浙江開幕，外孫詹勝（右）親自揭幕，亞視執董盛品儒（左）都戥佢開心。
型男樂聚：金至尊數碼行政總裁吳傑莊（左）出名創意多，撞正公關公司老闆丁子高（右），當然好啱傾。
打拚事業：傑青黃傑龍（左起）、中總榮譽會長霍震寰公子霍啟文、女童軍香港總監彭徐美雲公子彭穎生及豪華飲食集團太子爺陳嘉華，各自為家族生意努力拚搏。
才貌兼備：恒生女大班梁高美懿千金梁偉端（中）任職金融公司助理副總裁，潮州商會青委張詩培（右）及國際青年商會香港總會前會長李騰駿（左）都讚佢叻女。