SUN世代：設計無難度名人紅星寵兒
貴為星級御用設計師，何國鉦是不少名人、紅星的寵兒，徐子淇、周慧敏、鄭裕玲及林憶蓮也找他設計靚衫，他直言：「做設計師要對靚嘢好敏感，做設計又講天分，我設計衫真係無難度，唯一考起我嘅係點同客人相處同溝通！」
「成名之後，好多明星搵我度身做衫，曾經有個中性打扮嘅客人搵我，但我啲衫好女性化，所以我都覺得好奇怪！」初時客人對設計尚算滿意，誰知試身時，客人的朋友卻破口大罵設計失誤，令他大感無奈，「我希望所有人着我嘅衫都開心，我唔想客人唔開心，如果客人唔鍾意、啲衫唔啱佢，我會退番錢畀佢。」
何國鉦稱與藝人鄭裕玲合作最多：「我同嘟姐（鄭裕玲）合作咗四年，好多大騷嘅衫都係我設計，我Sell咩佢都OK，好信我！」
左起：翁嘉穗、江美儀、陳法蓉、鄺美雲（右二）及陳煒（右）眾星拱照何國鉦生日派對。