on.cc 東方互動主頁

SUN世代：天衣驕子

何國鉦（Dorian Ho）一個在時裝設計界耳熟能詳的名字！他並非時裝設計系出身，但能成為名人明星「御用時裝設計師」，作品躍登國際舞台，全因他愛美。貴為時裝界的天之驕子，風頭一時無兩，但他自謙未算成功，並以偶像兼國際時裝大師華倫天奴為榜樣，希望以不斷求變、不斷創新，領導全球時裝界。

何國鉦生於小康之家，父母於內地開設製衣廠，外界均認為他愛上時裝設計，與家庭背景有關，但原來他兒時夢想是當室內設計師：「雖然好細個就接觸時裝，但真係無諗過做時裝設計！」身為長子，自小已被灌輸繼承家業的思想，故他大學時選修巿場系，為接手家族生意做準備。

畢業後順理成章接手家業，但半年的太子爺生活，對他來說卻是人生低潮：「我唔鍾意做廠，覺得好被動，客人要你做乜就做乜！況且以我嘅身份，班老臣子唔會教我做嘢，結果乜都學唔到，當年我真係好似游魂野鬼咁，無晒目標！」

後來在機緣巧合下，他認識到一位時裝設計師，開始接觸時裝設計，誰知一碰就愛上。有次與爸爸到上海出差，更萌起創業念頭：「去到上海見到好多女人出外工作，但就無靚衫着，我覺得會有巿場！」於是他與該名設計師朋友合作，建立時裝品牌Doriano，九三年在廣州開設時裝店。回想創業，何國鉦坦言很冒險：「當年完全無經驗，依家諗番真係覺得好大膽！」

海外成名強勢回歸

因非設計本科出身，何國鉦決定搬到內地廠房工作，由低做起，由畫紙樣到車衣，每日工作逾十小時：「唔捱過苦、唔認真做過，係唔會珍惜！」不出一年，他已在時裝界打響名堂，店舖由一間開到數十間，其後又設加盟店。錢雖然賺得多，但他卻有點氣餒：「我想搞新嘢，但唔係人人接受到，有人逼我改設計，中國入世後有好多牌子，況且消費者貪新鮮，我呢啲中價衫好難生存！」

但有危才有機，何國鉦與拍檔認為要在時裝界站穩陣腳，必須在國際舞台佔一席位，但如何突圍而出，幾經思量，他想到轉型做晚裝。基於亞洲人崇洋的心態，他計劃先在外國打響名堂，並在澳洲及紐約時裝周推出作品，因設計特別，部分更富東方色彩，很快便得到外國品牌及代理商青睞，當中包括香港連卡佛，令品牌在海外及香港火速冒起：「可以去外國發展係每個設計師夢想，我好幸運有好多人支持，紅得好快！」

可惜人紅是非多，批評亦多，有傳他與著名設計師鄭兆良傳不和，又指其作品抄襲對方。面對負面新聞，何國鉦一笑置之：「初初都幾唔開心，驚會影響佢，佢話晒都係大師級！不過只要做好自己，我唔擔心比較！」

何國鉦由設計便裝，至晚裝再到婚紗，甚至連童裝都「撈埋」，他矢言會以時裝設計為終身職業。