SUN微博：唐曾一路向西

時值蔭權末年，眾叛親離的煲呔僧與豬八戒為取西經普度自己，再次一路向西，惜意見分歧……

歡迎add我facebook一齊鬧爆夕陽政府

打橫嚟講：貪官舔到盡

終於，有樣嘢畀我想通了！

想通了甚麼？一陣至講，現先睇睇香港第一疑似貪官曾蔭權的醜惡相，說他「醜惡」，就是貪圖權貴提供的享樂醜聞，被傳媒逐一揭破後，託詞自辯的「醜態」，即江湖術語所謂之「樣衰相」；其次，他以謊言蓋謊言也說不清時，改為兇狠黑面發晦氣，叫罵廢話之「惡形惡相」之窘態，既卑鄙討厭，且心虧可憐！

曾蔭權誓言做特首七年來，很少受益貪小便宜，咁做特首前嗰四十年呢？

全港府內部都有一個公開的「秘密」，連高薪的影印政治助理都知曉，就是曾蔭權攞公帑，被政府保薦到美國讀番個學位時，佢曾電傳政府物料供應處，速遞鉛筆原子筆單行簿同擦紙膠等平價文具去美國畀佢用，因佢帶去的已用光喎！咁cheap嘅嘢，佢都要舔盡，仲話唔貪？郵費貴過當地買啦！

首先嚴正聲明，以上「秘密」只係一個公開的傳聞，不能證實，原因？又係無「白紙黑字」記錄下來。

文首，我話有樣嘢，我想通咗的，就係早前，點解「成層樓咁高」嘅政府檔案File，失驚無神全部銷毀，縱使全城嘩然，政府高層卻無動於衷嘅呢？原因只有一個：毀屍滅迹，不留醜惡證據。從這方面切入，曾蔭權四十多年來的「收益紀錄」，又令人遐想不已呢！還有，其他高官，如林瑞麟之流，又是怎樣的呢？真好想知！

次文化考古學家，對城中潮語有深入研究，博徵博引，廢官廢人行埋一邊。