今年經濟前景難測，首創香港男士護膚纖體專門店嘅香港青年聯會常務會董Mence蔡敏思就特登同媽咪、妹妹Vickie同囡囡Shanice，喺本月中旬去咗古都西安玩足四日。
今次係朋友自發籌組嘅行大運之旅，團員多達六、七十人，除咗造訪與秦始皇陵墓相距唔遠嘅兵馬俑外，仲去好多千年古廟參拜，飽覽聞名世界嘅古都景點，又歎盡美食，玩得好盡興。Mence話西安係好多中國帝王葬身之地，所以吸盡帝王靈氣，令財運勁上加勁。
蔡敏思（右）與家人喺兵馬俑前合影，左起：妹妹Vickie、囡囡Shanice及媽媽。（受訪者提供）
