公僕巿民鬧爆「曾濫權」

香港天文台前台長林超英

「今天少數現職及前特區政府高層人物，管人而不管自己，肆意罔（妄）為，漠視、忘記或扭曲了基本原則，還在傳媒面前大談『操守』、『誠信』，我受不了！」

公務員工會聯合會總幹事梁籌庭

「而（依）家機制只管公務員，但特首自己又管唔到，唔單止打擊廉潔風氣，更令市民對政府同特首操守都有好大質疑。」

前香港警務督察協會主席廖潔明

「成日都話自己冇問題，咁就應該企出來面對公眾，呢個係做人應有嘅良知，如果佢唔交代，將會係佢仕途嘅一大污點。」

首長級公務員陳先生

「令公務員團隊蒙羞，作為公務員，應該時刻廉潔自愛。」

退休公務員李先生

「見到呢啲事都好痛心，今日香港市民怨聲載道，低下層生活咁悲慘，但我上面果（嗰）班人，冇感受過低下層生活，施政傾向財團，經濟掛帥。」

網民Robin Szeto

「特首，我想問吓，法官可唔可以星期日放假時用私人身份去被告屋企食晚飯呢？」

網民Horane Chan

「難怪香港多多問題都未有令港人滿意嘅良方，正因整日花天酒地，官商勾結，無閒處理。」

網民Chow Kwok Keung

「如果咁都唔算貪污，香港從今以後再冇貪污了，大家又可以用經濟位價錢坐豪華位，做香港人真幸福啊，唔怪之得咁多人爭住落嚟做香港人！」

電台聽眾何女士

「我係唔識嘢的小市民，都覺得曾蔭權擘大眼講大話，明明坐咁豪華嘅船，佢畀番幾多啫？佢講到自己咁清廉，應該同我哋一樣，搭一般船過去，唔好坐豪華遊艇！」

電台聽眾陳先生

「香港就『沒有最衰，只有更衰』，特區政府有咁嘅特首，難怪有咁嘅下屬唐英年，佢可以眼光光講大話，顛倒黑白，佢講過四十多年從政冇乜野心，但千年道行一朝喪，終於露出尾巴來。」

電台聽眾黎小姐

「特區政府上樑不正下樑歪，依家好似返番去六、七十年代嗰陣貪污情況。」

電台聽眾盧先生

「律政司司長黃仁龍應發出通緝令，付經濟艙費用，與富豪夾份坐私人飛機，等同坐白牌飛機，有犯法之嫌。」