SUN世代：日本賣便當 學做事認真

家人曾經以為鄭永浩做設計只是三分鐘熱度，但他一直認真去做，令家人大跌眼鏡，他坦言這種態度是受日本人影響。在日本生活的四年間，鄭永浩曾在當地一間「便當店」做兼職，店主對食品質素的認真，令他終身受用。「每次煮完白飯，老闆都會親自試味。有次，因為啲飯唔夠味，佢成煲飯倒咗，重新再煮過。」又有一次，因為部分「便當」未包裝好，老闆寧願少做生意，也堅持要做好準備才開舖。「佢哋做咩都好認真，其實做嘢應該係咁﹗」

修讀飛機維修時，在航空公司實習，再讓鄭永浩看到日本人認真的一面。「做完維修之後，好多時只會檢查一次，但係日本人就會喺同一個位置反覆檢查幾次。」直至現在，鄭永浩每次做設計，對布料的選材亦十分嚴謹，「有時布料未必做到預期效果，我會再揀，唔應該由材料去決定設計，而且我相信只要諗到，就一定會做得出。」