SUN世代：至潮老闆

嘗試，是踏出成功的第一步。八年前，鄭永浩辭工隻身赴日讀書，沒想到櫻花國的段段經歷，就像磁場一樣，緊緊牽引着他往後的人生。身處潮流指標地，令鄭永浩漸漸愛上時裝及設計，返港後，他決心將興趣化為事業，建立自家潮服品牌，親自設計一系列男裝潮服、潮物。這位八十後不斷努力，實踐心中所想，只因他認為：「好多嘢唔試過，就永遠唔知得唔得！」

二十一歲那年，鄭永浩作出了一個決定。「突然好想轉變吓！」做了電腦維修三、四年，他發現每天的生活過於刻板，於是毅然辭職，到日本讀書。「我唔係哈日族，只係想學多一種語言。由有呢個念頭，到辭工、報讀日本學校，只係一個月內嘅事。」得到家人的全力支持，令鄭永浩坐言起行，出發尋找新生活。

在別人眼中，鄭永浩或許是個幸運兒，但獨自飄泊異鄉又談何容易？「本身唔識日文，最初去到嗰邊生活都幾困難。」最難忘是第一次去看醫生。「用晒body language都講唔到畀醫生聽自己係肚痾，淨係識得指住個肚。雖然最後佢都開咗藥畀我，但好似愈食愈差！」

自此，鄭永浩誓要學好日語，一年多後，他不但順利完成日本語學校的課程，並考獲日本語能力試一級資格。之後，他成功考入當地一間飛行學校，修讀飛機維修，成為創校以來第一位非本地學生。「為咗呢個面試，之前都做咗好多資料搜集同準備。」飛機維修固然是他的興趣，但不知不覺間，他亦對服裝設計產生情愫。

創作服裝靈感源自生活

鄭永浩一身打扮，一望就知是潮人。他注重打扮，留日期間最愛逛街看時裝，「有次喺間舖頭外面排隊買衫，識咗一個台灣人，佢知我喺日本讀書，就叫我幫佢入水貨返台灣，慢慢就對設計有興趣。」完成飛機維修課程後，由於未能申請工作簽證，鄭永浩於是返港，並加入一間設計公司，跟隨日本設計師學設計牛仔褲。

打工一年後，鄭永浩決定自己做老闆兼設計師，親自設計男裝潮服、潮物，又開了第一間門市。「最初係樓上舖，人流少，加上個品牌冇咩人識，都擔心捱唔住！」但他沒有放棄，每日做足十個鐘，全程一腳踢，還主動出擊留住客人。「我整咗本聯絡簿，每個客都會叫佢哋留低電話或電郵，當有新貨到，就會逐個通知。」現時其潮服店已經開至第四間。

設計講求靈感，鄭永浩的靈感源自生活，「身邊嘅人同事，就係靈感所在！」除男士潮服外，他亦設計男裝背包、皮帶、帽，打造本土香港型男。鄭永浩認為只要真心喜歡，就會用心去做，而客人的反應正是他最大的推動力，「每次見到個客滿意，就最有滿足感！」說到下一個目標，鄭永浩希望設計女裝或童裝，總之他會一直試落去。

鄭永浩 小檔案

現職：Virus Arms老闆兼設計師

興趣：打籃球、打碟