政壇：政商定格：鄭志剛做大舅難捨細妹
全國及各省市青聯日前搞春茗，身為全國青聯副主席嘅Adrian鄭志剛當然有去撐場。Adrian細妹鄭志雯三月中出嫁，榮升大舅，一早買定神秘禮物。
志雯同鋼鐵大王龐鼎元孫仔龐建貽結婚，做阿哥嘅心情既開心又不捨，Adrian話：「我得一粒妹，梗係唔捨得啦！」話雖如此，佢好欣賞未來妹夫，仲自爆兩人相識十數載，大讚對方人品好，細妹認真有眼光。
除咗大派朱古力利是外，Adrian仲帶頭捐出周大福一萬元現金禮券抽獎添！
鄭志剛（右二）搞春茗聯歡，富二代齊撐場，左起施榮忻、全國青聯常委林富強、霍震寰同公子霍啟文（右一）。
「玩具大王」兒子蔡加讚（左）同邱詠麒（右）都去湊熱鬧。