政壇：金勞詹 IQ博士預算案扮啞
今年立法會議員就財政預算案提出嘅書面質詢有三千四百九十一條。之不過，金融服務界「金勞詹」詹培忠同立法會四大懶蟲之一嘅「IQ博士」黃宜弘就係「零」質詢。至於其他三大懶蟲，包括體育、演藝、文化及出版界議員霍震霆就提咗十一條質詢，金融界李國寶有十二條，鄉議局主席劉皇發就有二十二條。
除咗大懶蟲行列外，直選嘅鄭家富同批發零售界代表方剛都係分別提出十條同十三條質詢。而眾勤力議員當中，最落力嘅就係陳淑莊，佢向四十九個政府部門提出咗合共二百六十三條書面質詢，真係「問題議員」之最。至於最多議員提出書面質詢嘅部門就係社會福利署，一共收到四百六十條書面質詢。