尋日立法會辯論促請政府制訂全面政策,幫助腦退化症病人嘅家屬,工聯會議員王國興發言時話,電影《女人四十》真係帶畀佢好深嘅感受,因為戲中嘅蕭芳芳為咗照顧有腦退化症嘅老爺而心力交瘁。
現實中,阿王嘅爸爸亦患有腦退化症,令佢媽媽好辛苦,幾年前佢爸爸喺屋企廁所跌倒失救而離世,之後無幾耐,佢媽媽亦因為癌病與世長辭。講到呢度,佢一度哽咽,但佢強忍淚水,支持要求當局為腦退化症患者設立日間護理同支援中心,令患者得到適切照顧。
王國興尋日喺辯論發言時,憶起患腦退化症嘅亡父而哽咽。