政壇：王國興淚憶腦退化亡父

尋日立法會辯論促請政府制訂全面政策，幫助腦退化症病人嘅家屬，工聯會議員王國興發言時話，電影《女人四十》真係帶畀佢好深嘅感受，因為戲中嘅蕭芳芳為咗照顧有腦退化症嘅老爺而心力交瘁。

現實中，阿王嘅爸爸亦患有腦退化症，令佢媽媽好辛苦，幾年前佢爸爸喺屋企廁所跌倒失救而離世，之後無幾耐，佢媽媽亦因為癌病與世長辭。講到呢度，佢一度哽咽，但佢強忍淚水，支持要求當局為腦退化症患者設立日間護理同支援中心，令患者得到適切照顧。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

王國興尋日喺辯論發言時，憶起患腦退化症嘅亡父而哽咽。