立法會議員對曾蔭權醜聞的最新取態
陳偉業（人民力量/新界西）
曾蔭權應該講清楚，唔可以上寬下鬆，嗰種放縱、任意令人側目。事態已嚴重至廉署應作介入，尤其他連日來選擇性回應傳媒提問已應被譴責，加上他享用非親朋戚友上百萬元款待，明顯有貪污舞弊之嫌，警告曾蔭權若再不作出澄清，人民力量將到廉署投訴。
劉慧卿（民主黨/新界東）
曾蔭權搞到滿城風雨，影響香港聲譽，應該上立法會出席特別會議，解釋事件來龍去脈。
梁家傑（公民黨/九龍東）
依家應該重新審視《防賄條例》啦，坐完飛機又坐船，特首唔應該同其他公務員例外，否則係對公務員唔公平。
葉劉淑儀（新民黨/香港島）
香港貧富懸殊咁嚴重，市民咁擔心官商勾結，我做特首嘅話，會盡量避免同富豪過從甚密！
李卓人（工黨/新界西）
曾蔭權冇紀律、冇避嫌，唔能夠原諒！
何俊仁（民主黨/新界西）
係人都知佢係特首先有咁嘅待遇！特首須對自己有最高嘅要求，並高於其他問責官員，曾蔭權嘅做法極度不智，令政府尷尬。
黃毓民（人民力量/九龍西）
點解梁展文事件可以用特權法，「曾商勾結」就唔使用特權法呀？曾蔭權愈描愈黑，香港畀佢管治七年係災難、係港人之恥﹗
湯家驊（公民黨/新界東）
唔係畀咗錢就冇事嘅，佢畀普通渡輪價值，享受嘅係豪華遊艇待遇，仲過埋夜，佢咁解釋係砌詞狡詐，自我開脫！
劉秀成（專業會議/建築、測量及都市規劃界）
公眾人物應該要小心，曾蔭權今次咁做好似有啲其身不正，會加劇仇富情緒。
黃國健（工聯會/九龍東）
相關條例要檢討，但最緊要自己識檢點！
何秀蘭（工黨/香港島）
依家係選舉嘅敏感時刻，特首同呢啲唐（英年）營嘅人行得咁近，把酒言歡，難怪大家覺得你政府偏幫。
陳偉業（人民力量/新界西）
劉慧卿（民主黨/新界東）
梁家傑（公民黨/九龍東）
葉劉淑儀（新民黨/香港島）
李卓人（工黨/新界西）
何俊仁（民主黨/新界西）
黃毓民（人民力量/九龍西）
湯家驊（公民黨/新界東）
劉秀成（專業會議/建築、測量及都市規劃界）
黃國健（工聯會/九龍東）
何秀蘭（工黨/香港島）