睇樓兼小住公安傍實

【本報訊】內地地產界大爆曾蔭權的「睇樓內幕」，直斥他「睇樓」只看不買，言而無信！有內地地產經紀稱，由於曾蔭權與東海花園老闆黃楚標稔熟，過去數年多次目擊曾蔭權在黃的款待下到君豪閣小住，並勞動多名內地公安負責其貼身保安。

「佢成日都嚟（東海花園睇樓），一年最少兩、三次，更會喺君豪閣嘅複式頂樓住番幾日。」一名內地地產經紀稱，曾蔭權到君豪閣居住並不是新近的事，「最近五年我都見到佢隔一段時間便會出現，舊年都見佢嚟咗幾次，今年都有嚟。」他指出，東海花園老闆現時仍持有多層君豪閣的高層單位，並且將部分一梯兩伙的單位打通，以接待朋友，其中一個便是曾蔭權。

「佢（曾）嚟嘅時候好低調，多數一個人嚟，好少帶埋老婆同朋友。黃（楚標）老闆更不止一次親自招呼佢，但佢哋就唔會去大廈會所等公眾地方，見到我哋（地產經紀）就笑一笑。」他說。

雖然行蹤低調，但仍引起當地人注意。該名經紀補充：「因為每次嚟大廈保安就嚴密咗好多，門口更會多咗兩個公安駐守，大廈又多咗幾個保安巡邏，出入大廈又有四、五個保鏢圍住，所以如果佢嚟咗，我哋好多時都會知。」住得「過癮」，曾蔭權更想買番層，不少內地地產經紀都表示，曾接待過曾蔭權睇樓揀盤。其中一名內地地產經紀說：「佢同佢老婆一齊嚟，但喺好低調，嚟到我先知。」