《太陽報》同《東方日報》連日獨家揭露煲呔曾到澳門同三山五嶽人士出席賭場春茗,又上富豪過億元遊艇過夜盡興,被外界質疑有官商勾結之嫌。
尋日下晝喺中環遇到教育局局長孫明揚太太鍾小芬,佢話老公康復理想外,仲主動提及煲呔曾被踢爆喺濠江歎世界嘅大醜聞。佢仲話友人睇見本報嘅報道後,即時致電報料,於是佢即刻到本報嘅新聞網站睇有關片段,大讚話:「你哋拍得佢(煲呔曾)好清楚,咁都影到,好犀利!」
本報獨家揭露煲呔曾喺澳門接受三山五嶽人士款待嘅醜聞,孫太鍾小芬都大讚好犀利。