護短議員發言語錄

謝偉俊（旅遊界）

報道登咗特首回應話，特首同夫人周末到澳門休假無去賭場，好清楚係休假，除非質疑佢嘅誠信……唔能夠抽起條筋就話急切質詢。

葉國謙（民建聯）

民建聯唔認同有急切性，議員可以排隊問，但係用急切就唔同意。

林健鋒（經濟動力）

公職人員休假活動使唔使申報？人在江湖呀，我哋算唔算江湖人物？同枱食飯算唔算接觸？

石禮謙（專業會議）

我唔覺有迫切性，江湖人物？咩叫江湖人物？係邊個堂？食飯有好多人，因為裏面有幾百人喺度，有啲人係江湖人？邊度走江湖呀？出面喺街有同學走江湖又唔可以見，唔可以咁o架，人在江湖吖嘛！

詹培忠（金融服務界）

有報章成七大版講呢件事，立法會無理由就踩上一腳。澳門合法場合點解唔出席得呢？報道話將有關人物分幾大類，指明呢個鑿住塊面話黑社會、呢個話係放數佬，要攞出數據出嚟，亂咁指稱係誤導讀者，未必係事實，因呢啲可能係特首嘅私人朋友都唔出奇。