政壇：查太掌港交所要破「六」例
港交所主席夏佳理四月就會結束六年主席生涯，邊個會接任佢個主席位，成為坊間另一場「估領袖」遊戲，唔少人都認為查史美倫係頂頭大熱。
咁又係，查太依家係港交所非執行董事，又做過中、港證監會，同中國關係又不俗，江湖地位夠晒，喺港交所「更上一層樓」好似好順理成章。
不過，查太接任做港交所主席，亦唔係暢通無阻。事關，佢係港交所政府委任董事，到今年，六年任期已屆滿，政府一向有不成文規定，委任公職人員任期唔超過六年。查太若要成為港交所主席，政府有必要解釋為何打破委任不逾六年嘅慣例。