政壇：劉昇昂講股要有膊頭

信誠證券董事總經理劉昇昂做事一向務實認真，個樣都好嚴肅，但講話時亦不失風趣幽默嘅一面。就好似近日信誠舉行春茗聯歡晚會，一向極少講股票冧巴嘅劉老闆，就為賓客建議咗一個「穩賺」嘅投資，佢仲講笑話「做男人要有膊頭」，承擔得起先敢推介，掀起全場高潮。劉老闆對乜嘢冧巴咁有信心？咪就係iBond！老闆話，上一批iBond派息連價格升幅已經有約一成回報，預期嚟緊第二批市場認購反應將非常熱烈，所以佢哋間寶號已經由尋日起，率先推出認購iBond優惠，係100%借貸、零利息同零按金，聽落幾吸引，新舊客戶都可以即日起優先預訂。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

信誠劉昇昂（右）同太太聯同一眾高層和賓客祝酒。