一定要同巿民交代

利小姐（零售業）：「曾蔭權當然唔適合去（賭場春茗），我自己喺澳門做過兩年嘢，知道澳門嘅老師、社工、公務員呢啲有正面形象嘅人都唔可以去賭場。曾蔭權要盡快交代佢到底係代表香港特首還是以私人身份去。」

鄭先生（社工系大專生）：「作為特首唔應該去有江湖人士嘅地方，會令市民擔心涉及利益問題，雖然佢就嚟唔做（卸任），但佢一日在位都要注意自己身份，明顯因為就快卸任而鬆懈咗，根本無『做好呢份工！』」

霍小姐（文職）：「政治上呢類有江湖人士嘅場合好敏感，正如警察見到江湖人士都要掉頭走啦，何況佢係特首！見到記者就避鏡頭，快離場，明顯佢自己都覺得唔啱。我覺得佢要避免出席呢類場合，另外要向市民解釋點解佢會出席。」

鄭先生（傳理系大學生）：「特首係代表香港市民，無必要去呢類有江湖人士嘅場合，會影響特首形象。雖然唔擔心佢會同江湖人士有交往，但都要向市民公開交代清楚佢出席嘅原因同動機。」