政壇：聞蕭邦名曲李雲迪醒晒

鋼琴王子李雲迪有「中國蕭邦」之稱，尋日由北京返抵香港出席一個學童慈善交流演奏會，擔任愛心大使兼客串演奏，演奏會之前，大會安排一班學生彈鋼琴，仲請李雲迪即場欣賞同畀評語，唔知係咪一夜舟車勞頓，李雲迪面露疲態，對學生嘅評價只係一句起兩句止，但大都評價正面。

有學生彈到李雲迪最拿手嘅《蕭邦夜曲作品9第一章》時，佢就聽得相當留神，連個頭同身體都隨住節奏擺動。

中華總商會會長蔡冠深太太蔡關穎琴話，自己因為係香港管弦樂團成員嘅關係，經常都聽李雲迪演奏，佢讚李雲迪嘅演奏優美，好適合彈蕭邦嘅樂曲。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

李雲迪獲邀返港演奏，同學生作音樂交流。