SUN熱辣：中港衝突累積不滿政府懶理觸發示威

反對粵港自駕遊計劃的聲音，如雪球般愈滾愈大，城市大學應用社會科學系副教授陳國康分析，近年發生連串中港衝突事件，社會已累積不少不滿情緒，而近日政府將推行的粵港自駕遊計劃，亦被發現問題多多，如環境污染、交通擠塞，甚至威脅港人的人身安全，再加上市民認為政府於處理自駕遊的問題上，根本就是「無心無力」，沒有保障港人福祉，才觸發他們上街示威的決心。

「單單推行自駕遊計劃，本來唔會引起社會咁大反對聲音。」陳國康認為，早期內地人來港搶購奶粉、到醫院爭奪孕婦床位、個人遊旅客在港不守規矩，種種事件令港人對內地人反感或存有戒心，到近日「自駕遊」計劃勢在必行，令到港人再無法忍受。

「唔單只係內地熱錢、內地孕婦，依家連架車都要落埋嚟！問題真係好貼身，因為港人返內地都領教過內地人揸車嗰陣時係咁亂嚟，好擔心佢哋嚟到香港，會危害到行人同司機嘅安全，加上呢啲車多數會集中去市區嘅旅遊點，令交通擠塞問題惡化。不過，政府喺事件上都達唔到市民嘅期望，令市民覺得政府歎慢板，最後上街遊行。」