政壇：吳俊華非洲開荒有段古
曾縱橫中港影視製作同戶外媒體行業多年嘅博愛醫院副主席吳俊華，當年因為要做配樂而買咗大量黑膠唱片，連已故歌手「哥哥」張國榮嘅黑膠唱碟都完好無缺。
十二年前，佢轉戰非洲尼日利亞，成立非洲第一條VCD、DVD生產線，得到「非洲VCD之父」嘅稱號。個個生意佬都話北望神州，點解佢反而走去非洲搏殺呢？
提起就一肚冤氣，原來二十年前佢斥資五百萬元喺惠州淡水買咗塊地，諗住發展為影視城，冇耐就被市政府徵用興建政府大樓，被迫換咗另一塊地，其後因其他原因又再換地，依家仍然得個吉。難怪佢個心淡晒，疊埋心水去尼日利亞投資影碟，成為行業先鋒。
吳俊華珍藏無數絕版黑膠碟。
「哥哥」張國榮嘅黑膠唱片，依家有錢都未必買得到。