政壇：翁世權禁仔玩iPad多讀書
依家「i」產品成行成市，政府又提倡電子學習，但渣打銀行（香港）認股證銷售董事Simon翁世權反而希望囝囝實實在在咁拎起書本，培養讀書興趣。
原來佢嘅乖仔Trevor，人仔細細已有幾百本圖書，而且種類多元化，認字、繪本、人物、故事等包羅萬有，屋企可謂變咗個小型圖書館。就算早前有朋友建議佢買部iPad畀囝囝，佢都耍手擰頭，堅持用實物。
Simon解釋：「你話我老土都好，我認為一開始就用iPad嘅小朋友，之後就唔會再拎起書本；反而從小就揭書嘅，大個咗之後自然識得用iPad，所以我哋由Trevor開始學爬時已經不斷買書畀佢，依家佢嘅書有成幾百本。」
