SUN微博：唐生大地震

所謂「勞者歌其事」，呢位網友果然同大家一樣，勁「勞氣」！你睇煲呔喺啲洋人面前頭擰擰、扮晒識嘢咁，真係要學條片入面咁話：曾蔭權，你收手啦！

曾大話．小劇場

大個咗先發現好多童話都暗藏悲哀。網友搞呢個童話般嘅小劇場，都表示咗唔使用荷里活大製作幫手催淚，現實已夠晒悲哀同不該……

打橫嚟講：反對自駕遊

丑官林瑞麟之卑賤千刀殺，堪稱趙高，呢條粉皮契弟之處，乃有威自己攞，有鑊搵人擋，十足十低下蠱惑仔的劣行。

全城鬧爆反對的「跨境自駕遊」，林丑官瞞着港人簽下此禍港殃民的協議，取悅中央，現見群情洶湧，這Cheap精竟將個波推畀立法會，話「內地私家車入境（來港），要獲立法會通過才能落實，咁趴街嘅卸膊法都做得出，真港府之恥。

現坊間堅決反對大陸車殺入香港，除公認空氣污染、路面擠塞、交通安全、執法困難外，甚至假車牌真走私，同埋政府黑箱作業，不作諮詢，自把自為簽押作實之賴皮，仲未算大鑊，查實最重點，就係將中港邊界模糊化，嗱！沙頭角首先開放，港珠澳大橋嚟緊，未來一地兩檢手續再簡化，加上強國「市虎」通街撞，撞到大家平常得「視而不見」為止，咁就真係中港大融合！但維繫香港五十年不變的「一國兩制」，即時宣布「猩猩自瀆」，玩Q完也！

林公公的禍港事件簿裏沒有「最契弟」，只有「更契弟」。如果你反對跨港（搞「垮」香港）自駕遊，記住本星期日下午3時到銅鑼灣東角道起步，踩去政總，要求擱置此千刀殺的禍港劣行。

歡迎add我facebook一齊鬧爆夕陽政府

彭志銘

次文化考古學家，對城中潮語有深入研究，博徵博引，廢官廢人行埋一邊。

就係敢爆：你點睇高官僭建？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

Facebook：sunweibo_2012@hotmail.com

微博：Sun微博小店