立法會醫學界議員「怪醫」梁家騮尋日榮升做爸爸，梁太誕下五磅幾重嘅靚仔「騮Ｂ」，兩公婆好開心。怪醫笑笑口話好多人都覺得BB好似佢咁成日皺起眉頭，又自爆同太太一齊入產房，但就覺得冇乜特別，話可能因為自己係醫生喎！
怪醫又透露，由於佢啲姪仔姓名中間個字係用個「裕」字，而今年又係龍年，所以都諗過幫BB改名做「裕龍」，但佢話有個醫生朋友都係叫「裕龍」，所以會盡快幫BB改過另一個名。至於會唔會追多個女湊成一個「好」字，佢就話太太啱啱先生完，呢啲嘢遲啲先算。
梁家騮榮升爸爸，笑容滿面。
