政壇：政商定格：張曼娟撐港設計師春裝
台灣駐港機構台北經濟文化辦事處處長朱曦同光華新聞文化中心主任張曼娟，尋日下午齊現身光華嘅「立春以後，雨水之前」藝文春茗活動，張曼娟仲着住本地設計師LULU CHEUNG嘅粉紅色靚衫現身，力撐香港嘅誠意十足。
張曼娟重點推介本月底登場嘅《台灣式言談》名人系列講座，其中兩場講座移師香港大學，變身通識教育題材，包括三月底由暢銷書《轉山》作者謝旺霖同編劇張家魯對談。至於四月底登場嘅方文山，就係台灣天王歌手周杰倫唱紅半邊天嘅《菊花台》、《青花瓷》嘅作詞人，古意盎然卻又任意穿梭時空嘅歌詞，正係佢嘅傑作，佢嘅歌詞仲經常成為兩岸學府考試試題添！
張曼娟着住本地設計師嘅出品，佢欣賞設計散發少女甜美嘅味道。