SUN微博：打橫嚟講：豬有豬好

記者問豬：「你個豬欄有冇僭建酒窖？」豬答：「住緊嗰間豬欄五號無酒窖但有僭建，不過，隔籬新起而無人住嗰間豬欄七號就有酒窖無僭建！」記者問：「我只問五號啫！點解你爆埋七號？」豬答：「我同個泳池底一樣，係透明嘅，做男人要有膊頭！」記者追問：「煲呔叫大家搵人睇吓個竇有冇違規僭建o架啦！」豬搶答：「係吖！我仲搵專家嚟睇添！」記者問：「咁點解你仲唔拆咗啲僭建物？」豬好醒地答：「佢淨係話叫人睇之嘛！都無話拆！」啤一聲！

另一場合，記者問豬：「你有冇課外活動？」豬：「我有感情缺失！」記者說：「我只想問你除打拳做占之外，仲有乜運動啫？」豬：「做劇烈運動要有腰骨！」記者追問：「點解你個豬乸老婆肯畀你搞課外活動？」豬好有男兒氣概地答：「佢唔畀o架！但我有私生子！」記者一愕：「吓！」（心諗又自爆）再追問：「佢畀你生私生子嗎？」豬好醒地答：「佢淨係話唔好搞課外活動啫，無講過唔准上床做劇烈運動！」啤啤兩聲。

在一個月色透過穿底泳池下的酒窖裏，豬孤獨的手搖着紅酒杯，仰天沉思：「我唔係傻o架！我做咁多嘢，只係想話畀阿爺知，我絕對絕對的聽話，唔似阿狼咁，樣樣事都諸多主張，又駁嘴駁舌唔受指揮！查實，真係豬有豬好！」

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府