幾日前，公布咗政綱嘅小唐唐參加了一個學前兒童職業扮演班，盡情投入體驗社會……
銀行職員你張票喺我有生之年都兌現唔到，等吓啦！但係放心喎，我話咗會放自己十七日嘅假期，一定會做先！
風水佬嗱！起多啲公屋呀、宿舍呀、活化多啲工廈，都唔係唔得。你知啦，要睇吓風水先可以動土，擺啱個羅庚又唔知要幾耐，唔係好似我啲僭建咁話有就有。總之信我啦，最多呃你十年八年啫！
江湖郎中恭喜！賀喜！阿姐你有喜！開張藥方過你啦，聽住喎：5年後入U率升到100%，落實一世免費教育，仲搞埋全世界小班教學，絕對啱晒你個B，唔係山草藥亂咁噏o架！
