科技大學校長陳繁昌尋日搞咗個傳媒春茗，係人都知尋日係情人節，陳校長嘅春茗食品都別出心裁，預備咗一系列心形啫喱、心形蛋糕及心形湯圓款客，祝大家甜甜蜜蜜開開心心，將記者都當係情人一樣，陳校長又點樣對老婆呢？
陳校長話，任職會計師嘅太太近日返咗美國，佢一早就越洋訂咗一大紮康乃馨，計番十幾個鐘頭時差，今日就係當地情人節，紮花就會準時送到老婆手上。咁都未夠，佢話到時一定要同老婆越洋視像傳情，興之所至隨時彈住結他唱番首情歌，陳太一定冧到爆。
陳繁昌喺府邸請食心形啫喱，大家都甜在心頭。（佘君儀攝）
