政壇：政商定格 浙聯新春團拜擦家鄉菜
龍年啱啱拉開序幕，香港浙江省同鄉會聯合會（浙聯）就有新搞作，因為浙聯一行四十幾人組團訪問家鄉，據講此行會探討浙港文化交流及經濟合作，會長李德麟做團長，一眾浙商包括聲寶－樂聲（香港）創辦人李達三、李和聲等都會隨團北上。講起浙聯，佢哋早前都喺灣仔新會所舉行新春團拜，是夜宴客菜式包括清蒸鰣魚、紅燒大元蹄、香煎八寶飯等經典佳餚。曾任金銀業貿易場理事長嘅李德麟盛讚家鄉菜好食。Sharp代理商聲寶－樂聲（香港）主席李本俊都現身撐場，佢話至愛清蒸鰣魚，一個人食晒成條都冇問題喎。
李德麟（中）、常務副會長詹耀良（左）及青委車弘健（右），兩代一起推動浙聯會務。
「醬香蘿蔔」
「紅燒大元蹄」
「清蒸鰣魚」