有情人尋日慶祝雙雙對對，前恒生銀行執行董事兼個人銀行業務主管梁永祥（William）離開恒生後，上個月正式過檔新鴻基金融做行政總裁，尋日趁情人節約埋班老友敍舊，講起呢個特別日子，佢仲醒咗啲貼士畀同事點揀好老公喎。
William喺恒生時就有幾句金句，即係叫大家構思時要「簡簡單單、好好睇睇、老老實實、公公道道」，佢尋日好鬼馬咁話，抽起第一個字，即係「簡（揀）好老公」，原來佢眼中嘅好老公即係好睇、老實兼公道，仲要簡單。