部分團體代表及議員發言節錄

香港直接資助學校議會 「我對於渲染色情、低級趣味嘅免費報章強烈不滿，（舉起《爽報》）有不雅內容嘅報紙不應派畀十八歲以下人士，應喺上面印上『不雅』或用膠袋封住佢，唔可以畀佢大搖大擺！」

油尖旺區家長教師會聯會 「淫審不力耗公帑，縱爽荼毒民冤枉，《爽報》已出咗大量淫賤圖片去到學生度，淫審處點同步保護社會下一代呢？」

香港教育關注動力 「到底香港有無淫審制度？依家等同畀多啲時間和空間佢哋，散播呢啲色情資訊。」

香港教育專業人員協會 「現行審裁制度，由排期評級至提出覆核期前後要十日時間，可以畀無良出版商利用咗個漏洞鑽空子。」

香港教育工作者聯會 「依家法例形同虛設，希望政府能盡快檢視法例，堵塞漏洞，阻止敗類荼毒社會。」

香港教育政策關注社 「政府應該加緊執法，急事急辦，及早處理呢啲個案！」

愛護家庭家長協會 「官員多做多錯、唔做唔錯嘅態度，只會令社會前景更灰，從政者要當仁不讓，發揮社會承擔。」

香港性文化學會 「政府呢十幾年好似快閃黨。」

議員黃毓民 「淫審制度一塌糊塗，話（《爽報》）二十三樣不雅，但又話要有法律程序。我有啲覺得係淫褻，好似陶傑眼兒媚咁，繪聲繪影……連標準都定唔到！」

議員梁美芬 「政府和影視處互相推莊，頭先推畀刊物，政府推畀影視，刊物推畀家長，如果互相推莊，今日又浪費三個鐘！」