SUN熱辣：情人節慳錢有計

情人節一定要吃情人節大餐、送一大束玫瑰花，才夠浪漫？今年百物騰貴，通脹升溫，不少年輕網民提出各種慳錢招數，希望與愛侶過一個既實惠又浪漫的情人節。中文大學酒店及旅遊管理學院高級導師李兆波建議，情人節消費只是商人賺錢藉口，一段浪漫關係、一個好情人，不應以金錢去衡量。

情人節前夕，八、九十後網民都在熱烈討論如何準備「慳錢禮物」送給另一半。有網民建議摺三百六十五粒星星，讓愛侶每日拆一粒，可以拆到明年情人節；又有網民提議找一個寧靜地方，單對單唱冧歌送給愛侶。而玫瑰花代表浪漫，是情人節不可或缺的冧女招數，有慳錢網友就提議到團購網站集體買花，或者在花墟收檔前去掃平貨。

不時有慳錢錦囊的李兆波認為，情人節「貴有貴過，平有平過」，建議想慳錢的情侶可以提前慶祝，或光顧僻靜地區餐廳，「情人節正日嗰日，樣樣嘢都會貴好多！」他又指，本港有不少浪漫免費地點，例如黃金海岸、石澳、山頂、中文大學，只要動動腦筋，就可以與愛侶度過一個經濟又浪漫的情人節。