Sun微博:打橫嚟講:跟煲呔曾算舊數

政治,從來都是卑鄙污穢的,不擇手段地抹黑對手,已成為政客理所當然的分內事,隻揪隻,輸咗,不甘心也無話可話,但動用到整個現任政府的誠信,挖出內部機密資料,欲鋤死民望佔高的疑似未來政府首長,確實怪胎、不尋常。

香港特區政府不避嫌偏私唐營,盲嘅都睇得見,在下屆特首提名期前擲出十年前的黑材料,不特止搞到梁振英周身蟻,消耗參選資源,就連唐英年,也一樣名望下沉,如斯低劣的惡行,還拖累埋政府的威信,真極度白癡。

最反智的,是政府發言人那民政局常秘楊立門死撐現今爆梁振英舊事,乃因回應傳媒的查詢云云。

哦!好吖!我現在就以「傳媒身份」去請問一下,九七前,時任財爺的煲呔,如何出手幫佢個仍在英國讀緊醫科的兒子,回來「特區」,「攞」個醫生牌呢?又,佢個新抱剛要考專業醫生試前,煲呔亦及時在官邸宴請考官,咁傾過乜呢?這不是甚麼私隱大秘密,因當年報章都有提及的,只不過,好快「被滅音」,細節無人知,希望楊常秘披露多點「事實真相」,正如唐唐話齋:陽光政策,進一步公開,讓市民知道更多全部內容。

愛貪便宜的煲呔出口術,叫人「不要記住佢」,對唔住!你做咗咁多醜事,想拍下個籮柚就當無嘢呀!你無嘢呀?問住兩條咋!」

彭志銘:次文化考古學家,對城中潮語有深入研究,博徵博引,廢官廢人行埋一邊。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

彭志銘