政壇:IT豪情人節拒送禮氹妻

日前喺香港資訊科技及通訊界理事會春茗,見到立法會資訊科技界議員「IT豪」譚偉豪,講起情人節,佢講明拒絕送禮物氹老婆。點解咁無情趣?佢笑言同老婆一向講心唔講金,情人節「忽然熱情」,反而令老婆誤會佢有「景轟」。

IT豪又自爆「冧招」,就係整心形湯丸。原來佢自細就學曉整花生湯丸,味道頂呱呱,今年一於搵埋囝囝幫手,父子兵入廚,譚太想唔冧都幾難。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

譚偉豪(左)情人節將送上愛心湯丸,互聯網專業協會副會長洪為民(右)就入廚煎牛扒。