政壇：搞搞政：陳新滋遇記者變快閃黨
話說浸大傳理學院實驗室「快閃」調查報告淨係做咗八日，但勢估唔到連校長陳新滋都做咗「快閃黨」，見記者即閃。新民黨副主席田北辰嘅區議員辦事處尋日開張，同佢分屬好友嘅陳校長都有畀面撐場。但陳新滋一見到記者就發揮其「快閃」本色，連典禮未開始就消失咗。唔知係咪怕畀人話佢想博上鏡？
發展局局長林鄭月娥同政制及內地事務局局長譚志源都有嚟撐場，林鄭話十幾年前已同「公職王」田二少相識，又謙虛咁話自己雖然係民望最高嘅局長，但同經歷過選舉洗禮嘅新民黨主席葉劉淑儀同田二少相比仲係差一截喎。嘩！簡直係大送高帽。
新民黨有六張選委票，葉劉話仲未決定提名邊個參選，又話如果有人真係差少少唔夠票，新民黨好樂意協助！
設計圖片