港燈董事總經理KS曹棨森同太太尋日結伴去灣仔修頓球場行低碳工展會，心情靚絕嘅KS喺行經賣盆栽檔口時仲買咗一盆康乃馨盆栽送畀太太，話當係情人節禮物喎，太太當然心都甜埋喇。
呢個低碳工展會係首年舉辦，港燈希望今次活動可以等班中學生學吓做生意之餘，又可以向市民宣揚環保嘅訊息，活動收益仲會全數撥畀地球之友同世界自然基金會。KS尋日除咗主持開幕禮外，佢仲特登自掏腰包鼓勵後生仔嘅創意。
