政壇：政商定格：李文俊加料慶祝情人節
仲有兩日就到情人節，理文造紙太子爺李文俊（Raymond）雖然做人老公好耐，但都一早訂好枱，準備同太太溫馨撐枱腳，尋日佢同成家人入馬場，Raymond嘅愛駒「包裝選擇」成功奪冠，穩袋一百三十六萬元獎金，李家人人都好開心，Raymond更話袋咗筆獎金，可以加料慶祝情人節。
尋日李家幾乎全體出動，Raymond太太及爸爸李運強伉儷、胞弟李文斌（Edmond）及胞妹李文慧都喺度，講到情人節時，Edmond忽然「哎吔」一聲，原來佢因公務太繁忙，醒唔起後日就係情人節，但佢話會即刻買番份禮物氹太太開心。
李文俊（右一）拉頭馬，與太太（右二）及妹妹李文慧（左一）及弟弟李文斌（左二）分享喜悅。