樓價升完租金升，開設時裝連鎖店嘅立法會議員方剛就呻本港舖租昂貴，趕絕好多店舖，佢位於中環皇后大道中嘅旗艦店前年就因難敵貴租而搬走。方剛話，近年大業主提出租金加幅倍升，連實力雄厚嘅銀行都冇辦法抵禦高租金嘅壓力，其他行業更加唔使講。
方剛認為，問題嘅源頭係財爺曾俊華只識撥地發展商廈，反而對發展商場冇任何規劃，佢話港島鰂魚涌某啲工廠大廈原本租金只要三至四元一呎，一經「活化」租金即飆升至八元一呎，狂加租只會令鼓勵年輕人創業，變成鏡花水月嘅口號。