政壇：搞搞政：葉劉寄意推介《天涯歌女》
前高官兼新民黨主席葉劉淑儀讀番書大，但佢卻鍾意聽懷舊金曲，其中一首仲係中港台華人都好難忘嘅《天涯歌女》，葉太話，每首歌背後都有一個故事，值得仔細品味，佢呢句說話，同憑歌寄意有異曲同工之效，睇嚟葉太都係浪漫之人。
葉太喺社交網站為大家推介咗十首心愛嘅經典金曲，排行首位嘅係有南音經典之譽嘅《客途秋恨》，點解鍾意一首咁悲情嘅歌？葉太話，呢首樂曲嘅歌詞非常優美，對於情人嘅思念表達得淋漓盡致，無論白駒榮或新馬師曾嘅演繹都相當傳神。另一首甚得葉太歡心嘅係日本歌《Sukiyaki》，即係本港歌手杜麗莎首《眉頭不再猛皺》嘅原曲，佢話首歌大熱之時正值係佢嘅荳蔻年華，對於曲中描述嘅孤單一人忍淚前行嘅內容十分感動。
設計圖片及對白