政壇：買咖啡間選特首搞噱頭
柴灣一間咖啡店搞咗個「自選特首咖啡杯」活動，佢哋將三個特首參選人梁振英（CY）、唐英年（唐唐）及何俊仁（鐵頭仁）嘅肖像印咗喺咖啡杯個隔熱紙套度，市民買完咖啡就可攞個隔熱套，藉此統計吓參選人有幾多粉絲，呢種另類調查都吸引唔少市民。
個咖啡調查由尋日起至下個月嘅特首選舉日期間舉行，咖啡店負責人黃先生話，大家都知特首選舉係小圈子選舉，市民冇得投票，所以搞呢個活動等市民可歎咖啡之餘，同時支持吓心儀嘅參選人。有客人話三個參選人都唔鍾意，所以是但攞個隔熱套返去打小人，又有客人攞咗三個返屋企留念，估計最終都係搞噱頭居多。
柴灣一間咖啡店舉行「自選特首咖啡杯」活動，等市民表達對心儀特首嘅支持。（受訪者提供）